Иоанн Новгородский
Молитва
Тропарь Иоанну, архиеп. Новгородскому
Днесь светло красуется славнейший великий Новград, /
имея мощи твоя в себе, святителю Иоанне, /
яко солнечныя лучи испущающия, /
и подающия исцеления, притекающим с верою к тебе. /
Молися Христу Богу, избавити град сей невредим от варварскаго пленения, /
и междоусобныя брани, и огненнаго запаления, /
святителю Богомудре и чудоносче, /
небесный человече, и земный ангеле: /
да сошедшеся любовию в память твою, /
светло празднуем, в песнех и пениих радующеся, /
и Христа славяще, тебе таковую благодать даровавшаго исцелений, /
и великому Новуграду заступление и утверждение.