Варлаам Серпуховской
Молитва
(Русский)
Молитва прп. Варлааму Серпуховскому
О, преподобне и Богоносне отче наш Варлааме, обители Пресвятыя Владычицы Богородицы устроителю, земли Серпуховския украшение, милостивый и теплый о нас к Богу ходатаю и чудотворче преславный!
Приклони ухо твое на моления наша, буди нам благих податель и в житии сем многоскорбнем утешитель и наставник. Научи ны, суетными попечениями обуреваемыя, первее Царствия Небесного искати, и в послушании и смирении сердечнем волю Божию исполняти. Яко руце, на помощь нам немощным простираемыя, да будут твоя святыя к Богу за ны молитвы.
Подаждь же исцеления душам и телесем нашим, да в радости духовней благодарственныя и хвалебныя пения не престанем возсылати, и тако твоим заступлением храними, достигнем в тихое и безмятежное пристанище, идеже ты со Ангелы и всеми святыми присно славиши Пречестное и Великолепое Имя Отца и Сына и Святаго Духа. Аминь.