Каталог икон

Величание Иконе Божией Матери "Млекопитательница"

Величаем Тя, /
Пресвятая Дево, /
Млекопитательнице Спаса нашего, /
и чтим образ Твой святый, /
от негоже благодать исцеления /
нам присно подаеши.

Тропарь Иконе Божией Матери Млекопитательница

Без семене от Божественнаго Духа, /
волею же Отчею зачала еси Сына Божия, /
от Отца без матере прежде век суща, /
нас же ради из Тебе без отца бывша, /
плотию родила еси /
и Младенца млеком питала еси, /
темже не престай молити /
избавитися от бед душам нашим.